Al mouq' sin nez

AL MOUQU' SIN NEZ (tango)

si té clic ichi, t'acoutes eul'canchon: Clic

 

1er couplet:


Quant' euj' l'ai connue, ch'étot l'été,

J'ai toud' suite été, imbobiné,

J'auro du m'méfier, al' étot pas mal,

Ainn' be' fill' comme cha qu'y a pas d'copain ché pas normal.

Six mo aprés in étot mariés,

Mais quand eul' printemps yé arrivé,

Al m'a dit chéri, eun' soit pas surpris,

Mais ach't'époque chi euch fait toudis eud' l'allergie...


Refrain:

Quant' as met à éternuer in diro qu'tout va s'involler,

Al mouq' sin nez...al mouq' sin nez...

Y'a ses ziu qui s'mettent à pleurer sin nez qui comminch' à couler,

Faut wassinguer...faut wassinguer...

Si t'as quit' cosse à acouter eun' crot pas qu'al le fait expré,

Al mouq' sin nez...al mouq' sin nez...

Y faut laisser l'tornad' passer cha sert à rien eud' s'énerver,

Al mouq' sin nez...al mouq' sin nez...


2ème couplet:


J'ai mis du temps à m'habituer,

Mais cha fait 15 ans qu'in est mariés,

Et pour fêter cha, j'ai voulu l'imm'ner,

Vir un biau spectacl' a Paris din un cabaret.

In a comminché par bien minger,

Mais y'avo trop d'fleurs, just' à sin nez,

Et y est arrivé, c'qui d'vot arriver,

Al a fait tel'min d'boucan qu'in a du fout'eul' camp!

 

3ème couplet:


Ch't'un inconvénient, cha ché certain,

Mais ya des momints in est contints,

Quand dans un hold up, in a été pris,

Al a tel'min fait du bruit qu'ché bandits y ont fuit,

Y'avot Jéricho et ses trompett'

Et pis ch'boing sept cent quarant' sept

Quant al éternue, et qu'al mouq' sin nez,

Ysont dépassés y peuv'tous aller s'r'habiller!

 

J.M