AINN’ BONNE MOUSE (marche)
Si té clic ichi, t’acoutes eul canchon: 
1er couplet:
J’ai rincontré l’ami Rémy alors qui rintro d’sin boulot,
A s’têt’ mi j’ai toud’ suite compris qu’ yavo eu sin patron sul’dos,
Alors pour y’armonter l’moral j’ai pinsé qu’ fallo illico,
Trouver un truc qu’iétot pas mal et j’l’ai invité au bistrot.
Euj’ y’ai dit, euj’ y’ ai dit….
Refrain:
Et si in buvot ainne bonne mousse, pour eu’s faire plaisir,
Faut surtout pas boir’ cha su’l pouce, faut pas l’ingloutir,
Qu’al soit ambrée blonde ou bien rousse, il faut l’siroter,
Intra copains boire ainne bonne mousse, cha ché l’pied.
2ème couplet:
J’ai cugi un estaminet du qu’in peut boir’ de l’ bonne bibine,
Din des verres fabriqués exprès pour que l’bierr’ al flatte nos babines,
Et quand j’ai vu min camaratt avec de l’mousse plein ses moustaches,
J’me suis dit j’vais monter ain gratt eu’j viens d’réussir un sauftach.
Euj’ y’ai dit, euj’ y’ ai dit….
3ème couplet:
In avo pas compté nos d’mis in avo pas compter nos heures,
Quand ch’cabartier y nous a dit : allez mes fius in ferme acht’heur,
Quant in a quitté nos caïelles et qu’in s’est r’trouvés such trottoir,
Ain éto ronds comme des queues d’pelles et in auro dit deux clochards.
Euj’ y’ai dit, euj’ y’ ai dit….
J.M.