Les Orcalyns

DIS NOUS EUD’ DU QU’ TE VIENS (Valse)

Si té clic ichi, t’acoutes eul canchon: 

 

1er couplet:

Cha faisot dix huit coups qu’al passot sin permis,

Mon onc’ y n’a eu marr’ il a dit ché fini !

Les amis les voisins toul’ montt’ y’étot contint,

In pouvot ar’sortir sans qu’al nous rint’ eud’ din,

In auro du s’douter qu’al s’arrét’ro pas là,

Quand Germaine l’a din s’têt’ ché ailleurs qu’al l’a pas,

Et mon onc’ un biau jour il l’a vu tout surpris,

Arvenir deu ch’marqué in voitur’ sans permis.

 

Refain:

Dis noud’ du qu’té viens qu’in t’armène, Germaine, Germaine,

Su t’mobylett’ t’étot vraimin super,

Avec tin casqu’ t’avot un look d’enfer,

Dis noud’ du qu’té viens qu’in t’armène, Germaine, Germaine,

Quant’ in t’a vue avec tin tas d’ferrall’

In a tous dit ya Germaine qui dérall’.

 

2ème couplet:

Arvénu deus’ surprise mon onc’ s’est avanché,

Pour admirer l’carett’ qu’al avot accaté,

Mais quant ya vu l’travall’ la ya été s’coué,

In a bien cru que s’pil’ al’ allot disjoncter.

Y’avot tell’min des tros din ch’ell’ tiote boit’ in fer,

Qu’in auro putôt dit un gros morciau d’gruyére,

Avec par chi par là des grands auto-collants,

Qu’à côté Picasso ch’étot qu’un débutant!

 

3ème couplet:

Y’s demindot commin qu’ma tante al allot fair’,

Pour sortir sin quintal par ainne si p’tit’ portière,

Mais y’avot pas compris qu’al’ voulot in premier,

Qu’y mont’à côté d’ell’ pour aller l’essayer.

Quant ya été assis sur euch’ siéch’ tout bancal’

In auro dit deux carp’ coinchées din l’même bocal,

Mais l’suplice eud’ mon onc’ y devot s’terminer,

Car dinl’ côte eud Rimbert ch’moteur il a claqué!

J.M.