Les Orcalyns

MIN BIAU TIT PÈRE (marche)

si té clic ichi, t’acoutes eul’canchon: 

1er couplet:

Quand il arrive tout doux tout miel,

Faut vir’ c’qu’il a comm’ matériel,

Tout l’mond’ y’est in admiration,

Y’a s’photo partout din l’maison,

Et si y fait des vocalises,

Y faut toud’ suite qu’in s’mobilise,

Ché pas ainne vedett’ de l’quanchon,

Che tout bêtemin min t’chio garchon.

refrain:

Et mi j’ l’appel’ min biau tit pére,

Y’arsembl’ à sin père et as mère,

Avec des zius toudis rieurs,

Et ainne piau douche qui sint les fleurs,

Un tiot fiston qui vient au monde,

Ché un bonheur qui vous innonde,

Et ain oublie toutes ses misères,

L’jour ou y’arrif un biau tit père.

2ème couplet:

Quand toul’ mond’ l’a pris din ses bras,

S’maman s’mamie et sin papa,

Alors on s’dit peut-et que ti,

Té voudro bien eul’ print aussi,

Et là y t’fait des grands sourires,

Et y’a tin p’tit coeur qui chavire,

Et pi té sin l’iau caute couler,

Ché li qu’y est in train d’ t’arroser!

 

3ème couplet:

Min copain qui m’fait inrager,

M’dit « quo qu’cha fait dev’nir pépé »

Ché vraimin extraordinaire,

Soudain t’as pu les pieds sur terre,

Quand te’l vo là din sin berceau,

Tin coeur ys serre telmin qu’y est biau,

Tet dit qu’ché tin fiu qu’y l’a fait,

Et là cha y est y faut qu’té brais.

J.M.