Min biau vélo

31 janvier 2012

MIN BIAU VELO

1er couplet:

Y’avot pas six mo qu’j’étos à la r’traite,

Que déjà j’ m’innuyo ch’savo pu à quoi m’mette,

Euj’ deveno tout à rien j’me suis dit Simon,

Faut faire quet’ causse faut qu’té treuf ainne occupation,

Et si t’essayo d’fair’ d’ainne pierre deux coups,

Fai’ fond’ tin bidon et pi dérouiller tes g’noux,

Mais l’foot et l’tennis cha m’a pas réussi,

Alors final’min chez l’vélo que j’ai choisi.

Refrain:

J’ai acaté un biau vélo, tout équipé in Chimano,

Y faut venir eum vir tous les dimanches matins,

In train d’user mes boyaux sur tous chez quémins,

Mi j’in conno, un bon rayon, sur ché pédales sur ché bidons,

Euj’ peux vous dir’ combien qu’eum chaine al a d’mayons,

Et pi aussi combien qu’y a d’dints sur mes pignons.

2ème couplet:

Y faut que j’vous dise qu’au début je n’ai sué,

Cha faiso pu d’ vingt ans que j’ n’avo pas roulé,

J’avo eu l’ popotin complét’min démoli,

Des crampes à mes mollets et mes poumons garzis,

Mais j’ai continué sérieus’min m’ n’entrainement,

Eu j’roulo d’plus in plus par n’ importe quel temps,

Tant et si bien qu’pour fair’ honneur à min maillot,

J’me suis inscrit ch’t’année pour fair’ Lill’ Hardelot!

3ème couplet:

Eum’ femme rabbat joie al me répéte toul temps

Qu’al est toudis tout’ seule les tro quart du temps,

Euq’ pour fair’ cha euj’ peut artourner vir eum mère,

Ou bien alors aller louer ainne « chambre à Aire »

Mais j’ai bien l’impression que chez elle qui débloque,

Qu’y faut que j’mette un « frein » à ses idées loufoques,

Peut-êtes qu’elle aussi al voudro fair’ du vélo,

Etant donné sin poids y’in faudro un costaud!

J.M.